Një aksident i rëndë ka ndodhur mesditën e së hënës në aksin kombëtar Librazhd-Përrenjas, në zonën e njohur si “Kthesat e Dragostunjës,” rreth 3 kilometra larg qytetit të Librazhdit.
Sipas raportimeve, një automjet, që dyshohet se po lëvizte me shpejtësi, humbi kontrollin gjatë një parakalimi dhe u përmbys.
Nga aksidenti janë plagosur drejtuesi i mjetit dhe një pasagjer, të cilët u transportuan në spital me vonesë për shkak të trafikut të rënduar në këtë segment rrugor.
Gjendja shëndetësore e të plagosurve mbetet e paqartë, ndërsa në vendngjarje ndodhen ekipet mjekësore dhe policia, që po punojnë për t’u dhënë ndihmë të lënduarve dhe për të hetuar shkaqet e aksidentit.
