Një aksident i rëndë ka ndodhur në Kamëz gjatë mbrëmjes së sotme. Një person ka humbur jetën, ndërsa ka qenë një i ri ai që e ka shkaktuar aksidentin.Nga noftimi i policisë mësohet se ngjarja ka ndodhur rreth orës 21:10 të mbrëmjes në rrugën “Berisha”, ku mjeti me drejtues shtetasin E.K., 22 vjeç, ka aksidentuar këmbësorin, shtetasin H.A., rreth 60 vjeç. Si pasojë e goditjeve të marra, ky i fundit nuk ka mundur të mbijetojë dhe ka ndërruar jetë në vendin e ngjarjes.
Policia ka bërë me dije se drejtuesi i mjetit, i riu 22-vjeçar është shoqëruar në Komisariat për veprime të mëtejshme hetimore. Ndërkohë, grupi hetimor ndodhet në vendngjarje dhe është duke vijuar punën për zbardhjen e plotë të rrethanave të ngjarjes që çuan në aksidentin me pasoja fatale.
Njoftimi i plotë i Policisë së Shtetit:
Tiranë/Informacion paraprak
Rreth orës 21:10, në rrugën “Berisha” në Kamzë, mjeti me drejtues shtetasin E. K., 22 vjeç, ka aksidentuar këmbësorin shtetasin H. A., rreth 60 vjeç, i cili si pasojë e goditjeve të marra ka ndërruar jetë në vendngjarje.
Drejtuesi i mjetit shtetasi E. K., është shoqëruar në Komisariat për veprime të metejshme hetimore. Grupi hetimor është duke vijuar punën për zbardhjen e rrethanave të plota të ngjarjes.
