Një aksident i rëndë ka ndodhur mëngjesin e sotëm në aksin rrugor Plepa-Kavajë, tek Ura e Golemit. Një automjet ka aksidentuar për vdekje një kalimtare, e cila ka humbur jetën në ambulancë.
Gruaja po kalonte rrugën në një segment të ndaluar për këmbësorët.
Policia ka nxjerrë të tjera detaje nga aksidenti tragjik. Mësohet se kanë qenë 4 persona që kishin zbritur nga autobusi i Beratit dhe që kanë tentuar të kalonin rrugën pa parë mjetet në të dyja drejtimet.
Makina ka përplasur gruan, që po kalonte urën te mbikalimi. Viktima është 38-vjeçarja, Brunilda Shuti, e cila po shkonte drejt plazhit.
Ndërkohë, policia ka vënë në pranga shoferin e automjetit.
Njoftimi i policisë
Rreth orës 8:30 në rrugën kryesore, në mbikalimin e Golemit, mjeti me drejtues shtetasin E.S.,25 vjeç ka aksidentuar këmbësoren B.SH., 38 vjeç banuese në Berat. Për pasojë te plagëve të marra ka ndërruar jetë. Drejtuesi i mjetit është shoqëruar në Komisariat.
Grupi hetimor po vijon punën për përcaktimin e rrethanave dhe shkakun e aksidentit.
