Aksidentet rrugore tashmë janë kthyer në makth jo vetëm të drejtuesve të automjeteve, por edhe të këmbësorëve.
Ditën e sotme një tjetër aksident i tmerrshëm ka ndodhur me pasojë vdekjen.
Ngjarja ka ndodhur rreth orës 16:30 në fshatin Radë, afër Gjirit të Lalëzit, ku një 87-vjeçar banorë i fshatit ka mbetur i vdekur për shkak të përplasjes së fortë që ka pasur nga një automjet.
Policia tashmë ka nxjerrë detajet e para ku sqaron:
“E.Q.,37 vjeç, duke drejtuar automjetin e tij ka aksidentuar shtetasin këmbësorë S.D., 87 vjeç, i cili ka ndërruar jetë.
Drejtuesi i mjetit u shoqërua në Komisariatin e Policisë Durrës për veprime të mëtejshme”.
Ende nuk janë bërë të ditura rrethanat sesi ka ndodhur ngjarja, megjithatë grupi hetimor tashmë ndodhet në vendngjarje dhe është duke punuar për zbardhjen e plotë.
