Një aksident i rëndë ka nodhur rreth orës 17:35 në aksin rrugor Fushë Krujë-Tapizë. Policia bën me dije se një mjet tip “Benz” ka aksidentuar shtetasin I. M., këmbësor, i cili si pasojë e përplasjes ka ndërruar jetë.
Ndërkohë, drejtuesi i mjetit është larguar nga vendi i ngjarjes dhe është duke u punuar për të bërë të mundur kapjen e tij.
Në vendin e ngjarjes ndodhet grupi hetimor dhe është duke punuar për sqarimin e rrethanave në të cilat ndodhi aksidenti.
Njoftimi i policisë:
Krujë/ Informacion paraprak
Me datë 31.10.2021, rreth orës 17:35, në aksin rrugor Fushë Krujë-Tapizë, një mjet tip “Benz” ka aksidentuar shtetasin I. M., këmbësor, i cili si pasojë e përplasjes ka ndërruar jetë.
Grupi hetimor ndodhet në vendngjarje dhe po punon për sqarimin e rrethanave të aksidentit.
Shërbimet e Policisë po punojnë për kapjen e drejtuesit të mjetit, i cili ka braktisur automjetin dhe është largur nga vendngjarja.
Kujtojmë që një tjetër aksident i rëndë ndodhi ditën e sotme në aksin Qafë Thanë-Librazhd ku një autobus u përplas me një furgon. Si pasojë humbi jetën drejtuesi i i furgonit, ndërsa u plagosën katër shtetasit që ishin pasagjerë në mjetin autobus. Policia bëri me dije se këta të fundit ndodhen jashtë rrezikut për jetën.
