Një makinë tip “Audi” është përplasur me një furgon fasonerie në aksin Fushë Krujë-Krujë, e për pasojë kanë mbetur të plagosur dy persona. Sipas informacioneve paraprake mësohet se njëri prej tyre është dëmtuar rëndë dhe është transportuar drejt spitalit të Traumës në Tiranë.
Ndërkohë që janë identifikuar edhe të plagosurit të cilët janë Nezir Neziri, shofer i furgonit, dhe Gëzim Hoxha, shofer i “Audit”.
Fatmirësisht në momentin e përplasjes furgoni ka qenë pa punëtorë.
Grupi hetimor po heton rrethanat në të cilat ka ndodhur aksidentit, por paraprakisht shkak dyshohet se është bërë shpejtësia tej normave e “Audi-t”, dhe ndërprerja e rrugës në mënyrë të gabuar nga ana e furgonit.
