Dy automjete janë përplasur mesditën e sotme, në segmentin rrugor Fier-Levan në vendin e quajtur “çesma e Levanit”.
Mësohet se nga aksidenti të lënduar kanë mbetur një grua dhe një burrë të cilët janë shoqëruar menjëherë në spitalin Rajonal të Fierit.
Ende nuk dihen shkaqet e aksidentit. Ndërkohë forca të shumta policie ndodhen në vendin e ngjarjes, të cilët po dokumentojnë edhe shkaqet e mundshme të aksidentit.
Si pasojë e përplasjes janë shkaktuar radhë të gjata kilometrike në këtë aks rrugor.
