Një 32 vjeçar ka humbur jetën mëngjesin e sotëm në Fier, si pasojë e një aksidenti të rëndë rrugor.
Mësohet se viktima është shtetasi Klement Basha. Si pasojë e përplasjes së fortë e mjetit tip Mercedes Benz me të cilin ai udhëtonte me një kamion të tonazhit të rëndë, 32 vjçari ka humbur jetën. Klement Basha ishte me profesion infermier.
Aksidenti i rëndë me një viktimë ka ndodhur rreth orës 06:20, në aksin rrugor Fier-Patos, në vendin e quajtur “Portëz”. Ndërkohë, drejtuesi i kamionit, është shoqëruar në Komisariatin e Policisë për zbardhjen e plotë të rrethanave të ngjarjes.
Shoferi i kamionit Bardhi Spahia në dëshminë e tij është shprehur se nuk e ka vënë re makinën tip Benz që ka hyrë në pjesën e poshtme të mjetit të tij.
Përplasja ka qenë shumë e fortë, saqë ‘Benzi’ ku udhëtonte viktima është shkatërruar plotësisht.
Njoftimi i policisë:
Sot rreth orës 06:20, në aksin rrugor Fier-Patos, në vendin e quajtur “Portëz”, shetasi K. B., 30 vjeç, banues në Fier, duke drejtuar automjetin tip “Benz” është përplasur me kamionin me drejtues shtetasin B. S., 52 vjeç, banues në Fier.
Si pasojë e përplasjes ka gjetur vdekjen drejtuesi i automjetit tip “Benz” shtetasi K. B. Eshtë shoqëruar në Komisariat drejtuesi i kamionit, shtetasi B. S dhe po kryhen veprimet procedurale. Grupi hetimor po punon për zbardhjen e plotë të rrethanave të aksidentit
https://www.youtube.com/watch?v=Z5dBsRKL1vU
