Një aksident i rëndë ka ndodhur ditën e sotme në Sukth të Durrësit, ku një grua e moshuar ka humbur jetën. Ngjara e rëndë, ka ndodhur rreth orës 19:00, ku shtetasi A.A., 20, vjeç ka aksidentuar me mjetin e tij tip “BMW”, një këmbësore 72-vjeçe. Kjo e fundit ka ndërruar jetë si pasojë e plagëve të marra.
Policia njofton se drejtuesi i mjetit ishte i pajisur me leje drejtimi dhe është shoqëruar në ambientet e policisë për veprime të mëtejshme. Gjithashtu, nga testi që policia ka kryer rezulton se i riu nuk ka përdorur pije alkoolike.
“Grupi hetimor ndodhet në vendngjarje dhe po punon për zbardhjen e plotë të rrethanave të aksidentit”, njofton policia.
Njoftimi i plotë i Policisë së Shtetit:
Durrës/Informacion paraprak
Më datë 09.06.2021, rreth orës 19:00, në Sukth, Durrës, shtetasi A. A., 20 vjeç, duke drejtuar mjetin tip “BMW”, ka aksidentuar këmbësoren, shtetasen N. L., 72 vjeçe, e cila për pasojë ka ndërruar jetë.
Drejtuesi i mjetit eshte i pajisur me leje drejtimi, si dhe eshte shoqëruar në ambientet e Policisë për veprime të mëtejshme. Nga testi i kryer eshte konstatuar se nuk ka perdorur pije alkoolike.
Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.
