Një aksident tragjik ka ndodhur pasditen e sotme, ku një automjet tip furistradë ka dalë nga rruga dhe ka përfunduar në greminë.
Si pasojë, drejtuesi i mjetit ka humbur jetën, ndërsa dy pasagjerë kanë mbetur të plagosur.
Sipas informacionit nga policia e Bulqizës, aksidenti është vënë re nga drejtues të tjerë automjetesh, të cilët kanë njoftuar menjëherë policinë dhe shërbimin e emergjencës.
Policia dhe ambulanca kanë mbërritur shpejt në vendngjarje dhe kanë transportuar të plagosurit në spitalin e Bulqizës, ku fatmirësisht ndodhen jashtë rrezikut për jetën.
Grupi hetimor ka nisur hetimet për të zbuluar shkaqet e këtij aksidenti.
