Aksidentet nuk ndalen në rrugët e Shqipërisë teksa mbrëmjen e sotme ka ndodhur i radhës. Në aksin rrugor Berat-Uznovë, në afërsi të spitalit të rajonal të Beratit ka ndodhur një aksident me pasoja të rënda.
Një automjet i tipit BMV 350 seria është përplasur duke marrë përpara edhe 4 makina të tjera. Nga informacionet paraprake mësohet se makina BMW me targë AA 838 UD, ka marrë para makinat me targa AA 399 GU, AA 777 MT.
Bëhet me dije se drejtuesi i mjetit, Ervis Domaxeti ka humbur kontrollin e mjetit duke marrë para edhe katër makina të tjera. Si pasojë e aksdientit ka mbetur i plagosur një person 38 vjeç me emrin Eri Ilia që ishte pasagjer në mjetin e drejtuar nga Domaxeti. Balkan Web shkruan se shoferi që humbi kontrollin e mjetit si pasojë e shpejtësisë, u largua nga vendi i ngjarjes.
Kanë qenë të shumta aksidentet në rrugët e vendit ditët e fundit, ku vetëm pak ditë më parë një punonjës policie humbi jetën në aksin Vlorë-Fier. Në të njëjtin aks humbi jetën edhe një vajzë 23-vjeçare dhe u plagos një tjetër. Po në Fier ditën e djeshme humbi jetën një infermier pasi u aksidentua kur po udhëtonte me mjetin e tij për në punë.
