Një aksident i rëndë ka ndodhur pak më parë në autostradën Fier-Vlorë, ku janë përfshirë disa automjete. Ngjarja ka ndodhur rreth orës 14:35. Mësohet se si pasojë e aksidentit ka humbur jetën një 18-vejçar dhe kanë mbetur disa persona të plagosur, të cilët janë transportuar në spitalin e Vlorës. Shkak për aksidentin dyshohet të ketë qenë shpejtësia dhe humbja e kontrollit të mjetit. Siç shihet edhe në një video të publikuar një makinë tip “Mercedes Benz” është ndarë në dy pjesë, duke dëshmuar se përplasja ka qenë mjaft e fuqishme.
Bëhet me dije se janë 4 personat e plagosur si pasojë e përplasjes dhe janë nisur me urgjencë për në spital, ndërkohë 18-vjeçari nuk ka mundur t’i mbijetojë plagëve të marra. Policia ndodhet në vendin e ngjarjes dhe është duke hetuar për rrethanat e aksidentit.
Informacion paraprak
Rreth ores 14:30, në autostradën Levan-Vlorë, në afërsi të mbikalimit në fshatin Bishan, një mjet tip “Benz” me drejtues shtetasin A.K., 40 vjeç, është perplasur me një tjetër mjetin tip “Benz”.
Si pasojë e aksidentit, ka ndërruar jetë shtetasi E. T., 18 vjeç, dhe janë dëmtuar shtetasit K. D, Q, D, F. D dhe R. L, të cilët ndodhen në gjëndje të rëndë shëndetsore.
Ndërsa drejtuesi i njerit prej mjeteve shtetasi A. K, është shoqëruar në Komisariatin e Policisë Vlorë, për veprime të mëtejshme.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.
