Një aksident i rëndë me pasojë vdekjen e një personi ka ndodhur gjatë pasdites së sotme në aksin rrugor Tiranë-Durrës, njofton policia. Ngjarja tragjike është shënuar rreth orës 16:40, kur shtetasi A. A., 62 vjeç, duke drejtuar automjetin e tij tip “Ford”, ka aksidentuar një shtetas këmbësor, rreth 60 vjeç. Si pasojë e përplasjes së fortë 60-vjeçari ka ndërruar jetë. Ende nuk është bërë e ditur se cili ka qenë shkaku i aksidentit tragjik dhe po ashtu, nuk dihet ende identiteti i viktimës, ndërsa drejtuesi i automjetit është shoqëruar në ambientet e Policisë për veprime të mëtejshme.
Policia gjithashtu bën me dije se në vendin e ngjarjes ndodhet edhe grupi hetimor që është duke vijuar nga puna për të zbardhur plotësisht rrethanat që çuan në aksidentin tragjik, ku humbi jetën një person.
Njoftimi i plotë i Policisë së Shtetit:
Durrës/ Informacion paraprak.
Më datë 11.09.2021, në orën 16:40, në aksin rrugor Tiranë-Durrës, shtetasi A. A., 62 vjeç, duke drejtuar automjetin tip “Ford”, ka aksidentuar një shtetas këmbësor ende të paidentifikuar, rreth 60 vjeç, i cili për pasojë ka ndërruar jetë.
Drejtuesi i automjetit është shoqëruar në ambientet e Policisë për veprime të mëtejshme.
Grupi hetimor ndodhet në vendngjarje dhe po punon për zbardhjen e rrethanave të aksidentit.
