Një aksident i rëndë u regjistrua pasditen e sotme në Bulqizë, ku një 30-vjeçar i cili po udhëtonte nga lagjja e vjetër në lagjen e re të qytetit të Bulqizës është përplasur me një shtyllë ndriçimi.
BalkanWeb raporton se goditja ka qenë shumë e fortë duke shembur shtyllën, ndërsa mjeti motorrik është shkatërruar plotësisht.
Paraprakisht raportohet se i riu inicialet B.Ll, ka ‘fluturuar në ajër’ e më pas është përplasur me asfaltin.
I riu u dërgua menjëherë nga kalmitarë të rastit në spitalin e Bulqizës ku mori ndihmën e shpejtë, më pas u transportua në gjendje të rëndë me helikopter në spitalin e Traumës në Tiranë.
Ndërkohë, Policia ka mbërritur menjëherë në vendngjarje dhe po punon për zbardhjen e plotë të aksidentit.
