Një aksident i rëndë ka ndodhur në orët e para të mëngjesit të kësaj të hëne në Greqi.
Dy të rinj të cilët udhëtonin me motor në ishullin e Kretës, u përplasën me një shtyllë të dritave në anë të rrugës. Si pasojë e përplasjes të dy humbën jetën pasi goditja ishte shumë e fortë.
Mediat greke raportojnë se viktimat janë një 21-vjeçar shqiptar i cili ndërroi jetë menjëherë në vendngjarje dhe një 17-vjeçar grek.
Shërbimet e emergjencës kanë arritur menjëherë në vendin e ngjarjes së bashku me forcat e policisë duke bërë të mundur transportimin e të rinjëve në ambientet e spitalit por fatkeqësisht nuk arritën t’u mbijetonin plagëve të marra.
Shqiptari, identiteti i të cilit nuk është bërë i ditur, mbërriti i pajetë në spital. Ndërsa 17-vjeçari vdiq pak minuta pasi ishte transportuar në urgjencë.
Fotot e publikuara janë pamje nga vendi ku ndodhi ngjarja ku shihet motori i përplasur dhe dy të rinjtë e shtrirë në tokë. Autoritetet e Policisë së bashku me forcat e tjera të emnergjencës poo punojnë për zbardhjen e identiteteve të viktimave dhe shkaqeve të plota që çuan në këtë aksident tragjik ku humbën jetën dy të rinjtë, ku njëri prej tyre ishte shqiptar.
