Aksidentet rrugore janë kthyer në kërcënim të madh sidomos për drejtuesit e automjeteve.
Mesnatën e djeshme një aksident i rëndë rrugor ka ndodhur në Fushë-Krujë-Milot në fshatin Micjan, ku një makinë ka humbur kontrollin dhe ka përfunduar përmbys jashtë rrugës.
Përplasja ka qenë akoma më e rëndë pasi automjeti është përlasur me dy shtylla elektrike 6000 volt duke lënë kështu pa drita edhe një pjesë të fshatit Micjan.
Mirëpo ende nuk ka asnjë informacion për numrin e përsonave që udhëtonin në automjet apo fatin e tyre. Megjithatë sipas policisë, asnjë person nuk është paraqitur në spitalin rajonal për të marrë ndihmë, kështu që mbetet e hapur mundësia se shoferi ose pasagjerët mund të jenë dërguar në Spitalin Ushtarak në Tiranë.
Aktualisht policia dhe grupi hetimor ndodhen në vendngjarje dhe janë duke punuar mbi çdo pistë për të gjetur shkakun e aksidentit e njëkohësisht edhe për personat që kanë qenë të përfshirë në të.
