Një aksident i rëndë ka ndodhur rreth orës 19:30 në aksin rrugor Lushnje-Rrogozhinë, ku për pasoj ka humbur jetën një person. Ngjarja e rëndë ka ndodhur mbrëmjen e sotme dhe sipas njoftimit të policisë shoferi i një kamioni tip “Volvo” ka aksidentuar për vdekje një këmbësor rreth 70 vjeç, ende i paidentifikuar nga policia.
“Sot rreth orës 19:30, në aksin rrugor Lushnjë–Rrogozhinë, shtetasi G. G., 55 vjeç, duke drejtuar automjetin tip kamion “Volvo”, ka aksidentuar me pasojë vdekje një këmbësor rreth 70 vjeç, ende të paidentifikuar.”, njofton policia.
Shtetasi me inicialet G.G., 55-vjeç i cili ka qenë duke drejtuar kamionin ka aksidentuar këmbësorin, por ai nuk është identifikuar nga policia sepse nuk ka pasur mjet identifikues me vete.
Bëhet me dije se në vendin e ngjarjes ka mbërritur policia dhe ambulanca, por këmbësori ka ndërruar jetë në vend për shkak të plagëve të marra në aksident.
Gjithashtu mësoohet se grupi hetimor ndodhet në vendngjarje dhe po punon për zbardhjen e rrethanave të aksidentit.
Njoftimi i plotë:
Lushnjë, Informacion paraprak
Sot rreth orës 19:30, në aksin rrugor Lushnjë–Rrogozhinë, shtetasi G. G., 55 vjeç, duke drejtuar automjetin tip kamion “Volvo”, ka aksidentuar me pasojë vdekje një këmbësor rreth 70 vjeç, ende të paidentifikuar.
Grupi hetimor ndodhet në vendngjarje dhe po punon për zbardhjen e rrethanave të aksidentit dhe identifikimin e viktimës.
