Një incident i frikshëm ka ndodhur në Formula 1, mes dy pilotëve e njohur Lewis Hamilton dhe holandezin, Max Verstappen.
Ata janë përplasur në një kthesë të vështirë në një kthesë të vështirë në pistën e Monzës në garën që po zhvillohej në Formula 1. Ishte përpjekja e Verstappen, për të kapërcyer britanikun, por kontakti me rrotën e përparme bëqri që makina të kërcejë sipër kokës së Hamilton.
Fatmirësisht, Hamiltonin e shpëtoi mbrojtësja mbi kokë dhe kaska, ndërsa që të dy pilotët u përjashtuan nga gara, duke bërë që çmimi i madh i Monzës t’i shkojë Daniel Riçiardos.
Ndërsa renditja e përgjithshme nuk ndryshon, holandezi Verstappen vazhdon të jetë pesë pikë para Hamilton.
Në përfundim të garës asnjë nga pilotët nuk mbajti përgjegjësi për incidentin e frikshëm që ndodhi, ndërsa fajësuan njër-tjetrin. Britaniku Hamilton e ka akuzuar holandezin Max Verstappen, se kyu i fundit u tregua o oportunistik.
“Kam pak dhimbje qafe pasi makina më ra në kokë, por do të jem në rregull. Nga ajo që kujtoj, unë po garoja aq shpejt sa mundja, sa i përket kohës isha në kryesim, në ndërrimin e gomave humba rreth dy sekonda. Dola nga bokset, pashë që Maks po afrohej, lashë hapësirë për një makinë, isha para në kthesë, para edhe në kthesën e dytë, pastaj ai ishte sipër meje. Sot thjesht nuk dëshironte të hapte rrugë. Ai e dinte kur hyri në kthesën e dytë se çfarë do të ndodhte, kur shkeli mbi kordonin, por përsëri e bëri”, ishte akuza e Hemilton.
Nga ana tjetër, Max Verstappen u mbrojt duke thënë se në atë kthesë në formë S, Hamilton nuk duhej t’i kishte prerë rrugën.
“Ne e dinim se do të ishte një garë e afërt në kthesën e parë, m’u desh të shkoja në pjesën e gjelbër. Ai e kuptoi se po e tentoja, vazhdoi të më shtynte. Unë dëshiroja të garoja. Nuk e prisja të më shtynte, nëse do të më kishte dhënë hapësirën për makinën, ne do të kishim dalë nga kthesa e dytë duke garuar. Më pas nuk kishte më vend, me shtyu në kordon, u prekëm. Vazhdoi të më shtynte kur isha në krah të tij. Duhet që të dy palët të punojnë bashkë për të kaluar një kthesë. Kur njëri nuk ka dëshirë të punojë, çfarë mund të bësh? Nuk do të ndodhë”, ishte përgjigja e Verstapen për incidentin e sotëm.
