Ndonëse, prej dy vitesh pa kryetar Akademia e Shkencave është ende në proces reformimi.
Parlamenti votoj para ca ditëve projektligjin për reformën e Akademisë së Shkencave.
Asambleja e akademikëve ka shpallur datën edhe kriteret e zgjedhjeve në këtë institucion, mbështetur në ligjin ekzistent.
Në faqen zyrtare të Akademisë së Shkencave është publikuar dhe data e zgjedhjeve, të katër vendeve vakante. Ato do të mbahen më 24 maj 2019 dhe në to do të zgjidhet Kryetari i Akademisë, Zëvendëskryetari i Akademisë, Sekretar Shkencor i Akademisë si dhe Kryetari i Seksionit të Shkencave Natyrore dhe Teknike.
Referuar vendimeve të Asamblesë së Akademisë së Shkencave nr.1, datë 10 janar 2019. Për zgjedhjet e reja në Akademinë e Shkencave dhe ngritjen e komisionit të këtyre zgjedhjeve vendimi nr.4 datë 26 shkurt 2018, pika 3, është caktuar data 24 maj 2019, si dita e zgjedhjeve për kryesinë e ASH dhe për Këshillin Ekzekutiv, për pozicionet drejtuese vakante edhe ato të krijuara për shkak të përfundimit të mandatit ligjor ose të dorëheqjeve, si 1). Kryetari i Akademisë, 2). Zëvendëskryetari i Akademisë, 3). Sekretar Shkencor i Akademisë dhe 4). Kryetari i Seksionit të Shkencave Natyrore dhe Teknike.
Para një muaji edhe akademiku Skënder Gjinushi paralajmëroi se në këtë institucion me apo pa ligjin e ri do të ketë zgjedhje të reja.
