Mbrëmjen e djeshme u përurua stadiumi i ri kombëtar “Air Albania Stadium”.
Kuq e zinjtë u përballën me Francën, në një ndeshje që nuk pati shumë histori.
I pranishëm në stadium ishte edhe presidenti i UEFA-s , Aleksandër Ceferin.
Për këtë aryse nuk mund të mungonte kujdesi maksimal ndaj çdo detaji.
Federata Shqiptare e futbollit nuk shpëtoi dot pa një gjobë gjatë ndeshjes së mbrëmshme.
Kjo për shkak se në pjesën e dytë, një shishe fluturoi nga kati i dytë i tribunës.
Incidenti ndodhi në momentin kur sulmuesi francez, Oliver Giroud, goditi drejt portës së Etrit Berishës.
Ishte vetë francezi që mori shishen dhe ia tregoi arbitrit kryesor.
Ky i fundit ia komunikoi në kufje delegatit të UEFA-s.
Për këtë incident, Federata Shqiptare e Futbollit pritet të paguajë 30 mijë euro gjobë, shkruan “Telesport”.
Gjatë mbrëmjes së djeshme u regjistrua edhe incidenti me ujitëset e fushës, të cilat u hapën në drejtim të tifozëve.
