Presidenti Ilir Meta ka dekretuar Arben Ahmetajn, si ministër Shteti për Rindërtimin.
Propozimi u bë sot nga kryeministri Edi Rama.
Presidenca reagoi me zëdhënësin, Tedi Blushi, duke thënë se nuk do të ketë asnjë vonesë.
Në arsyetimin e tij, Rama shkruante, se programi i rindërtimit, kërkon hapjen e një vendi të posaçëm në tryezën e Këshillit të Ministrave, ku një ministër të merret me koordinimin e institucioneve vendase dhe ndërkombëtare, si dhe të mbikëqyrë zbatimin e programit.
“Programi i Rindërtimit dikton hapjen e një vendi të posaçëm edhe në tryezën e Këshillit të Ministrave,ku një ministër i ngarkuar ekskluzivisht me koordinimin e të gjitha institucioneve vendase e ndërkombëtare që lidhen me këtë program,të ndjekë orë e minutë zbatimin e Programit”, shkroi Rama në Twitter.
Kujtojmë këtu se në fund të janarit, në Tiranë do të zhvillohet Konferenca e Donatorëve të BE, fondet e së cilës do të shkojnë për programin e Rindërtimit.
