Këshilli Bashkiak i Matit ka mbajtur një mbledhje këtë të mërkurë, ku miratoi dorëheqjen e kryebashkiakut Agron Malaj, i cili do të kandidojë për deputet në Qarkun e Dibrës gjatë zgjedhjeve të 11 majit.
Agron Malaj, një figurë problematike në politikën vendore, ka përdorur mundësinë e mandatit parlamentar për t’i shmangur hetimeve të SPAK-ut, duke u bashkuar me një sistem që ofron mbrojtje për të akuzuarit për korrupsion.
Gjatë mbledhjes, 19 nga 21 anëtarët e këshillit ishin të pranishëm dhe pas miratimit të dorëheqjes, ata votuan për emërimin e Myslym Zenelit si kryetar të komanduar të Bashkisë, me 17 vota pro, kundër 1 vote për Flutura Bibën dhe një votë të pavlefshme.
Zeneli theksoi se administrata do të angazhohet për vijimin e shërbimeve dhe realizimin e investimeve të rëndësishme për qytetarët.
Kandidatët për deputetë nga Partia Socialiste në Qarkun Dibër do të bëhen të ditur pas mbledhjes së Asamblesë së kësaj partie, që do të zhvillohet në orën 19:00.
