Kryeministri Edi Rama pas betimit në Presidencë, mblodhi kabinetin e ri qeveritar ku dhe lajmëroi hapjen e një platforme shtesë për mediat. Ky vendim i kryeministrit solli reagime të shumta nga opozita, por jo vetëm. Së fundmi, gazetari Klodian Tomorri me anë të një postimi në rrjetet sociale, është shprehur se kjo nuk është gjëja më e frikshme që mund të ndodhë.
“ Agjencia e frikshme nuk është ajo e propagandës, por një tjetër…”, shkruan Tomorri.
Tomorri thotë se do të krijohen dy ministri financash, ku njëra sipas tij do të administrojë të gjitha donacionet që vijnë nga jashtë.
Ai thotë se do të krijohet një xhep i madh ekstrabuxhetor gati 1 miliardë euro në vit, më tej Tomorri shkruan se do te shpenzohet jashtë disiplinës financiare dhe ligjeve te buxhetit.
Postimi i Plotë nga gazetari Klodian Tomorri
Agjencia e frikshme nuk eshte ajo e propagandes, por nje tjeter
Shqetesimi se qeveria po krijon ministri propagande eshte i kote. E gjithe qeveria, qe ne diten e pare te saj, ka qene nje ministri e madhe propagande. Gjithsesi Agjencia e Propagandes eshte e pademshme se ti ke mundesi ta luftosh me media.
Ajo qe eshte e demshme dhe qe nuk ka kure eshte agjencia tjeter qe po behet gati . Shume shpejt qeveria do te krijoje Agjencine e Donacioneve.
Agjencia e Donacioneve do te administroje te gjithe fondet e huaja te buxhetit dhe kryetar i saj flitet se do te jete Ilir Beqja.
Me pak fjale do te krijohet nje xhep i madh ekstrabuxhetor gati 1 miliarde euro ne vit, i cili do te shpenzohet jashte disiplines financiare dhe ligjeve te buxhetit. Kjo eshte cmenduri.
Shqiperia do te kete dy ministri financash. Nje ministri qe menaxhon fondet e brendshme te buxhetit dhe nje agjenci, qe menaxhon fondet nga jashte. Meqe po mbaron xhepi i rindertimit, tani duhet krijuar nje xhep i ri per te kanalizuar fondet me eficence dhe pa siklete aty ku duhen.
