Ditën e sotme Aeroporti Ndërkombëtar i Prishtinës ka njoftuar anulimin e të gjitha fluturimeve të ditës së sotme. Kompanitë ajrore kanë anuluar edhe fluturimet që ishin planifikuar me datë 13 dhe 14 qershor.
Arsyeja kryesore mendohet të jetë shtimi shumë i lartë i të infektuarve me COVID-19 gjatë këtyre ditëve.
Nëpërmjet një njoftimi në faqen zyrtare të aeroportit , u njoftua që fluturimet e datës 15 do të anulohen.
“Të dashur udhëtarë, ju njoftojmë se të gjitha fluturimet e datës 15 Qershor 2020 janë anuluar!”, thuhet në njoftim.
Në Kosovë gjatë këtyre tri ditëve janë rregjistruar 160 raste me të prekur nga COVID-19 dhe dy persona kanë humbur jetën.
Që nga përhapja e pandemisë, në Kosovë janë regjistruar 1,486 raste me COVID-19, ndërsa të shëruar 1,183 dhe të vdekur 33.
