Pas ankesave të shumta e kërkimit të llogarive për shumë persona, si dhe në një kohë kur ka në fokus ata që njihen si “peshqit e vegjël” dhe jo ata që realisht duhen arrestuar, ditën e sotme SPAK më në fund ka nisur hetimin për ish ministrin e Shëndetësisë Ilir Beqaj.
Gjatë kohës që Beqaj drejtoi Ministrinë e Shëndetësisë, abuzoi me tenderat e sterilizimit, ku firmosi privatizimin e sterilizimit, hemodializës dhe kontrollit të detyrueshëm shëndetësor (check-up). Ndërkohë që të tre këto koncesione janë kontestuar në publik për shkak se janë fituar në mënyra të parregullta dhe misterioze.
Në momentin kur doli në pah abuzimi i tij me tenderat, vetë ai ka deklaruar se nga Rama duhet të ruhesh, si duket e ka kuptuar që Rama të “hedh” në momentin kur del ‘sheshit’ e kur nuk i hyn më në punë. Po mesa duket po vjen koha e momenti që të ruhet vetë Rama nga ata që janë brenda ku siç e shohim janë më shumë tashmë nga ata që ka jashtë, dhe po kërcënojnë se në afatet që i janë caktuar për të dalë, janë gati të flasin e të nxjerrin në pah “peshqit” e vërtetë që fshihen pas të vegjëlve.
Sot lajmi për hetimin e SPAK ndaj ish-ministrit Beqaj është bërë i ditur nga gazetari Arsen Rusta, i cili deklaroi se Beqaj është si person i dyshuar për shpërdorim detyre lidhur me 2 tendera të firmosura, për sterilizimin dhe check up.
“Te sterilizimi dhe chek up, kemi në hetim ish-ministrin Ilir Beqaj. Është si person i dyshuar për shpërdorim detyre në tenderin për këto 2 tendera të lidhura, sterilizimi më vete dhe check up më vete”, tha Rusta
