Analisti Enton Abilekaj ka deklaruar se kryeministri Edi Rama, përmes përdorimit të rrjeteve sociale dhe propagandës, po përpiqet t’i shmanget kërkesës për llogaridhënie.
I ftuar në emisionin “Çim Peka Live”, Abilekaj tha se përmes këtyre platformave, Rama eviton të merret përgjegjësi për mënyrën se si ka qeverisur gjatë katër viteve në pushtet.
Sipas Abilekajt, kjo është e dukshme në podcast-et që zhvillon Rama, ku ai shmang përballjet televizive dhe gazetarët, duke evituar të japë llogari për qeverisjen e tij.
Llogaritë janë bërë ndryshe, me të dhëna të tjera. Kjo luftë të dhënash është bërë me e dukshme me ndalimin e TikTok. Një kryeministër nuk zgjedh median, por rrjetet sociale.
Kryeminmistri ka për detyrë të kalojë nëpër filtra, që të japë llogari për publikun. Ai s’po jep llogari për 4-vjeçarin e vet, të vendoset para gazetarëve se ku janë premtimet e tij në 4 vite. Kemei rastin tonë në Tiranë, në ERTV, tani është podcast-i. Komunikimi sy me sy, një mënyrë e drejtpërdrejtë për të shmangur llogaridhënien, se vetëm kështu mund t’i manipulosh. Me median dhe Tv është e vështirë, pasi nuk manipulon dot.
Në konferenca shtyrpi kur gazetari e pyet Ramën, ai i heq mikrofonin, e bullizon, e denigron, si e vetmja mënyrë për të mos dhënë llogari.
