Ditën e enjte gjatë kohës që zhvillohej seanca ndaj ish-ministrit të Brendshëm, Saimir Tahiri, mediat shkruan se ai kishte qarë në gjyq.
Tahiri iu përgjigj interesit të gazetarëve për këtë çështje, duke mohuar të ketë ndodhur një gjë e tillë.
Më tej ai shtoi ,se paravarësisht se informacioni nuk është i vërtetë, kur qajnë burrat është fisnike.
Përsa i përket vendimit të gjykatës, ai tha se po pret kur ta ketë në dorë të zbardhur, për të komentuar.
“E keni kthyer në meme këtë histori që ‘qau Tahiri këtu..qau atje’. Është fisnike kur qajnë burrat, por nuk kam qarë. Vendimin dua ta lexoj. Komentet do t’i kem atë ditë kur ta marr vendimin të zbardhur. Në kulturën time nuk mund të flitet për vendimet e gjykatave. Duhet ta lexosh vendimin, ndaj e kam të vështirë ta sqaroj”, u shprehTahiri.
Ndërsa në lidhje me heshtjen e kryeministrit Rama, ish-ministri tha se në këtë rrugë është i vetëm dhe do t’i shkojë të vërtetës deri në fund.
“E çfarë pastaj se nuk e ka bërë? Nuk e kuptoj pse më pyesni mua a ka folur kryeministri apo jo. Drejtësisë i shkoj i vetëm përpara. Më habisni si keni kuriozitet për cdo gjë vec vendimit të gjykatës. “ vijoi Tahiri.
