Deputetja e PS, Vasilika Hysi komunikoi ditën e sotme vendimin e saj për t’u larguar nga politika dhe për të mos kandiduar në zgjedhjet e këtij viti.Në Neës 24 ajo ka treguar arsyet e këtij vendimi, ku ka thënë se tashmë mendon të vendosë një balancë më të mirë mes punës dhe familjes.
“Unë nuk e kam politikën profesionin tim. Unë erdha nga jeta akademike dhe mendova në një moment të caktuar, mendoj se në 12 vite, një mandat në opozitë dhe dy mandate në qeverisje, ishin të mjaftueshëm dhe mendoj që të vë një balancë më të mirë, mes punës familjes miqve”, ka thënë Hysi.
Ndërkohë, ajo ka treguar edhe se si e ka pritur kryeministri Rama vendimin e saj. Hysi ka thënë se i kishte kërkuar një takim kryeministrit dhe as nuk e kishte menduar se ao do ta takonte, duke pasur parasysh ngarkesën e madhe që ka. Deputetja ka trguar se i është shumë mirënjohëse Ramës dhe kolegëve. Ajo u shpreh se kryeministri nuk e kishte pritur largimin e saj dhe se ajo është e gatshme të kontribuojë, sidomos për reformën në drejtësi.
“Unë i kisha kërkuar takim kryeministrit dhe nuk e mendoja që do më priste, duke pasur parasysh ngarkesën e madhe. Ja kisha kërkuar ka disa javë takimin, dhe i dërgova një email, ku menjëherë jam takuar. E vlerësoj shumë takimin për dy arsye të thjeshta, e para kur më ka ftuar të jem pjesë e politikës, ku çfarë më ka thënë, ka dalë, dhe që të ruaja profilin e të drejtave të njeriut. Për këtë i jam shumë mirënjohës kryeministrit dhe të gjithë kolegëve. Kështu që kryeministri nga njëra anë nuk e priste largimin, por vlerësoi faktin që unë i kam dhënë sa kam mundur dhe brenda hapësirave që mund të kesh në një parti. Unë jam e gatshme të kontribuoj, sidomos për atë që kam shumë përzemër, reformën në drejtësi”.
