Kreshik Hajdari, i zgjedhuri i Kuçovës në zgjedhjet e 14 majit u dënua nga GJKKO me 9 muaj burg, të konvertuara me 150 orë pune. Mirëpo, a mund të rrëzikojë detyrën si kryebashkiak nëse ka marrë këtë masë dënimi?
Avokati i Hajdarit është shprehur për mediat se ky vendim nuk ndikon në ushtrimin e detyrës së tij.
“Gjykata dha përfundimisht një vendim dënimi, duke e dënuar me 150 orë në komunitet. Duhet të merret vendimi i formës së prerë. Se ne do të apelojmë. Sipas nenit 63 nuk figuron i denuar personi qe dënohet me pune ne komunitet”, tha Theodhori Sollaku.
Kreshnik Hajdari i cili akuzohet për falsifikim dokumentesh dhe mosdeklarimin e një dënimi të marrë në shtetin grek në vitin 1999 për kalim të paligjshëm të kufirit.
Hajdari kërkoi gjykim të shkurtuar në 10 janar kur Gjykata e Posaçme vendosi të kalojë për gjykim dosjen ndaj tij, pas përfundimit të hetimeve të SPAK në 20 dhjetor 2023 për akuzën ‘falsifikim i vulave, i stampave ose i formularëve’, më shumë se një herë lidhur me mosdeklarimin e procesit gjyqësor ndaj tij në Greqi.
