Ndërtimet e reja të cilat janë hapur si kërpudhat në kryeqytet padyshim që ngjallin shumë debate, ndaj edhe kreu i Bashkisë së Tiranës është përgjigjur rreth shtimit të tyre.
Nga studio e “Opinion”, i është përgjigjur një pyetjeje të drejtpërdrejtë nëse pastrohen ose jo paratë e pista me këto ndërtime? Sipas tij, bashkia ka marrëdhënie të ngushta me prokurorinë dhe Agjencinë e Pastrimit të Parave, këtu flet të paktën për kullat e mëdha apo ndërtesat ikonike.
Por pse kemi gjithë këto ndërtesa të larta në qendër të kryeqytetit? Sepse sipas kryebashkiakut, na mungon metroja.
“Unë jam pro ndërtimeve cilësore në lartësi. Pse? Se sot ne nuk kemi një metro në Tiranë që t’i bëjmë kullat në Paskuqan dhe në Kamëz, apo t’i bëjmë në Krrabë dhe Maqellarë, apo në Ndroq dhe t’i sjellim njerëzit me metro. Të gjitha qytetet moderne sot në botë kanë atë të quhet “Down Town”, pra një qytet në qendër. Më përpara nuk kishim plan urbanistik, dhe gjithmonë më nxirrni jashtë konteksti kur më thoni ke thënë kështu. Jo, shihe të plotë, se kam thënë për sa kohë Tirana nuk ka asnjë plan urbanistik. Por kur morëm arkitektin, sot ndër më të mirët në botë, Stefano Boerin, bëmë një plan urbanistik, edhe për pyllin orbital, edhe për koeficientet që ti s’mund të ndërtosh 100, do ndërtosh 45. Do të lëmë të shkosh lart, por do na lirosh pjesën e tokës ku do bëjmë një shkollë, një kopsht, një çerdhe. Se ndonjëherë ne harrojmë që në Tiranë, shkolla “Kosova” ishte nisur për kullë nga këta që bërtasin për kullat. Sot u bë shkollë. Pra ne dimë t’i dallojmë. Ke një rast kur Lulzim Basha duke ikur nga Bashkia dha gjithë kullat te diga. Dhe isha tek pull. Gabim, pra. Po gjithë këta dashnorët e hapësirave publike jo vetëm që nuk erdhën në gjykatë, por asnjë nuk u përfshi. Pse? Sepse të gjithë ishin pjesë e asaj afere. Pra të gjithë këta, që ju dhemb me demek natyra, kur u bënë ato të diga nuk u interesonte. Të gjithë kemi qenë jashtë Blendi. Dhe “Down Town-i”, është vendi ku janë hotelet, ku janë bankat”, tha më tej Veliaj.
