Aksioni ndaj kateve pa leje të pallateve, reagon edhe deputetja e Partisë Demokratike, Flutura Açka. Konfiskimimi i kateve pa leje sipas Açkës është një aksion i pastër gjobëvënieje që ka si qëllim për të mbushur arkën e shtetit. Më herët në lidhje me këtë aksion ka reaguar edhe kreu i Partisë Demokratike Sali Berisha, i cili nga takimi që zhvilloi në Shkodër e konsideroi si aksion për të pastruar paratë e pista.
Statusi i Açkës
A keni ndonjë fije turpi?!
Po sekuestroni godina shumëkatëshe pa lejë? Po kush i lejoi këto godina të ndërtohen?
Ju!
Ky është një aksion i pastër gjobëvënieje për të mbushur arkën e shtetit dhe për të hequr vëmendjen nga rritja e çmimit të energjisë me të cilin i gjobitët dje shqiptarët. Sa kohë nuk ka të ndëshkuar për këto shkelje dhe dorëheqjet tuaja, kjo është vetëm kozmetikë.
Kështu e nisët pushtetin, duke sekuestruar ikona, gjysmat e të cileve tani një zot e di ku janë.
Uzurpimi pas shpine, brutaliteti fashist pa kurrfarë shqyrtimi të rregullave dhe ndërgjegjjes, është domeni juaj i pushtetit. Aty jemi në substancën tuaj dhe të parëve tuaj.
Doni t’iu shërbeni shqiptarëve? Çlironi edhe rrugicat e qyteteve nga kioskat e patronazhistëve tuaj.
