“A e njeh Azem Hajdarin?”/ Incidenti me nxënësin detyron deputeten të mbyllë para kohe takimin në Shkodër

Google+ Pinterest LinkedIn Tumblr +

Deputetja demokrate, Rudina Hajdari, ishte e pranishme ditë e sotme në shkollën e gjuhëve të huaja në Shkodër, “Shejnaze Juka”.

Vizita e saj ishte në kuadër të Ditës Europiane të Gjuhëve të Huaja.

Gjatë takimit është shënuar një incident me njërin prej nxënësve, shkruan “Balkanweb”.

Ky i fundit e ka quajtur deputeten si shtojcë të Edi Ramës dhe turpin e shqiptarëve, që sipas tij po sjell komunizmin.

Gjithashtu ai i ka përmendur Hajdarit edhe babanë e saj.

Deputetja ka reaguar me qetësi, duke e përdorur këtë rast, si shembull të asaj çfarë i ka bërë politika shqiptarëve.

Pas këtij incidenti, Rudina Hajdari e ka mbyllur takimin.

Debati

 

Hajdari: Ti je djalë i ri dhe nuk duhet të merresh me politikë. Ne jemi këtu për të festuar, a je nga Evropa apo nga je? Do bëhesh çun evropian apo jo?

 

Nxënësi: A njef Azem Hajdarin ?

 

Rudina Hajdari: Unë e njoh Azem Hajdarin e më vjen mirë që e njeh Azem Hajdarin

 

Nxënësi: Unë e njof Azem Hajdarin po se njeh ti. ai ka luftu për demokracinë këtu, ti po lufton me sjell komunizimin. Shtojca e Edi Ramës je ti, ti je turpi i shqiptarëve. Je turpi i shqiptarëve”.

 

Rudina Hajdari: Të dashur nxënës dhe mësues, ajo që ndodhi tani është pikërisht cfarë bën politika sot. Ne na ndan mes PS dhe PD, ne nuk duhet ta lejojmë të na përçajnë. Ne jemi shqiptarë në radhë të parë.

Pas këtij incidenti deputetja Rudina Hajdari mbylli fjalimin e saj në aktivitetin me nxënësin e shkollës “Shejnaze Juka”

Ndërkohë “Gazeta Tema” ka zbuluar se i riu që debatoi me Rudina Hajdarin ditën e sotme është pjesë e forumit rinor të PD.

Ai gjithashtu është proceduar penalisht për zjarrvënien në këtë shkollë disa ditë para zgjedhjeve të 30 qershorit.

Shpërndaje
Share.

Komento