Kryeministri i Kosovës, ka qenë i pranishëm ditën e sotme në një takim që zhvilloi Kancelarja e Gjermanisë, Angela Merkel me kryeministrat e Ballkanit Perëndimor. Në një deklaratë për mediat ai ka shprehur qëndrimin e tij kundër nismës “Open Ballkan”. Kurti është shprehur se procesi i Berlinit është rruga e vetme drejt BE-së dhe s’ka nevojë për variante të tjera alternative. Duket se as takimi me Merkel nuk e ka bindur Kurtin për nismën “Open Ballkan”, ndërsa ka bërë me dije edhe katër mënyrat që i ak propozua kancelares Merkel për Ballkanin Perëndimor.
”Në takimin me kancelaren gjermane Merkel u konfirmua se procesi i Berlinit është edhe korniza edhe rruga për integrimin europian.
Pra, procesi i Berlinit është mjaftueshëm i gjerë dhe gjithashtu mjaftueshëm i thellë që mos ketë për variante të tjera alternative.
Në bisedat që pata, theksova se nuk duhet të ketë fonde europiane pa vlera europiane. Fondet e BE për 6 shtete të Ballkanit Perëndimor duhet të paraprihen e shoqërohen me vlerat e BE.
Për vendet tona theksova se janë 4 elemente të domosdoshme që të ketë paqe të qëndrueshme, stabilitet afatgjatë dhe siguri për të gjithë. Ato janë sundimi i ligjit i cili vepron kundër korrupsionit dhe oligarkëve, e dyta ëstë demokratizimi i cili mundëson media të lira e të pavarura, kundër autorkratëve. E treta ballafaqimi me të kaluarën, nuk lejon kriminelë të luftës aq më pak në pushtet, dhe e katërta reciprocite t e balancë i pakicave në kundërshti me hegjemonitë nacionaliste në Ballkan.
Katarë elementë të rëndësishëm për paqen, sigurinë e rrugën drejt BE. ‘’- tha Kurti.
