Greqia nuk do t’i rikthehet masave kufizuese, pasi do të ishte e padrejtë për tre të katërtat e popullsisë që “kanë bërë gjënë e duhur” për t’u vaksinuar, tha kryeministri Kyriakos Mitsotakis të mërkurën.
“Unë nuk mendoj se pandemia ka mbaruar. Ne po përballemi me një valë të katërt që ka të bëjë kryesisht me të pavaksinuarit”, Mitsotakis.
Duke krahasuar situatën me një vit më parë, ai nënvizoi se 73% e të rriturve dhe 63% e popullsisë janë vaksinuar dhe se kufizimet ishin zgjidhja përpara se të vinte vaksinimi.
“Tani që kemi vaksinën, nuk do të futemi në izolim. Unë jam i bindur për arsyen e thjeshtë se për momentin tre në katër kanë bërë gjënë e duhur dhe do të ishte e padrejtë të vendoseshin kufizime me një kosto të madhe për të trajtuar një problem të pakicës sot”, tha ai.
Ai hodhi poshtë kritikat e opozitës kryesore SYRIZA se kishat janë përjashtuar nga masat e reja, të cilat hyjnë në fuqi të shtunën, që kërkojnë që personat e pavaksinuar të paraqesin rezultate negative të testit Covid për të hyrë në një sërë biznesesh dhe shërbimesh.
Mitsotakis tha se shpesh nuk kishte njeri në hyrjet e kishave, kështu që kontrollet do të ishin të vështira. Ai tha se nëse do të kishte një mënyrë për të zbatuar kontrolle në kisha, ai do të ishte i gatshëm ta diskutonte atë. Ai tha gjithashtu se nuk kishte plane për t’i bërë vaksinat të detyrueshme për policinë apo ushtrinë.
