Në javën në vijim, sërish temperaturat në vendin tonë do të jenë të paqëndrueshme. Kështu që duke filluar që nga dita e hënë e deri ditën e enjte moti parashikohet me vranësira mesatare deri të dendura, por nuk do të mungojnë edhe alternimet e herëpashershme me kthjellime. Përgjatë këtyre ditëve, vranësirat, kryesisht në orët e mesditës dhe ato të pasdites do të shoqërohen me reshje shiu të herëpashershme me intensitet të ulët deri mesatar. Reshjet do të jenë në formën e shtrëngatave, por lokalisht ato do të jenë edhe në formën e stuhive dhe rrebesheve afatshkurtra, shoqëruar me shkarkesa elektrike dhe breshër. Duke filluar nga dita e premte parashikohet një përmirësim gradual i kushteve atmosferike. Sipas Shërbimit Meteorologjik Ushtarak, moti do të jetë kryesisht me kthjellime, por përsëri vranësirat e mesditës dhe pasdites do të shoqërohen me reshje shiu të dobëta dhe lokale.
Kosova
Republika e Kosovës do të jetë në dominimin e vranësirave të shpeshta të cilat hërë pas here do të gjenerojnë reshje të pakta dhe të izoluara shiu në pjesën e parë të
ditës. Parashikohet që në vijim vranësirat të pësojnë zhvillime duke gjeneruar reshje në të gjithë territorin e Kosovës, ku më të dukshme do të jenë në zonat
Jugperëndimore.
