Shitimi i rasteve të reja me Covid-19 në vend po shkakton gjithmonë e më shumë panik jo vetëm tek qytetarët por edhe tek autoritetet pasi rritja e numrit të infektimeve rrezikon në përhapjen e varianteve të reja të koronavirusit.
Teksa vendi po përballet me rritje të numrit të infektimeve, ditën e sotme do të mblidhet Komiteti Teknik i Ekspertëve. Tashmë mbetet për t’u parë nëse do të ketë masa të reja shtesë, duke marrë parasysh rrezikun që kanoset nga varianti Delta, apo dhe shtrimet në spitalin Infektiv që janë çdo ditë e më shumë në rritje.
Kujtojmë se javën që kaloi Komiteti i Ekspertëve vendosi që të mbajë në fuqi këto masa anti-covid dhe mos të vendosë të tjera shtesë, ndërsa vijon thirrja për qytetarët që të vaksinohen.
Ekspertët janë duke diskutuar për kufizimin e lëvizjes, pasi mutacioni Delta, i cili ka dhe transmetueshmëri të lartë pritet ta përkeqësojë edhe me shumë situatën.
Aktualisht janë 8866 pacientë aktivë me COVID19 në të gjithë vendin. Në Spitalin Infektiv po marrin trajtim 96 pacientë, nga të cilët 17 janë në gjendje më të rënduar. Në 24 orët e fundit u shënuan dy viktima dhe 905 raste të reja me Covid-19. Numri i të shëruarve ka shkuar në 132 mijë e 723 që nga fillimi i pandemisë në vend. Po bëhet gati hapja e spitalit Covid-3.
