Ditën e sotme është zhvilluar mbledhja e Unionit të Transportit për të diskutuar në lidhje me nisjen e transportit publik në Tiranë, pas më shumë se tre muajsh bllokimi për shkak të situatës nga pandemia e koronavirusit.
Transporti publik në Tiranë nuk do të nisë punën as nesër nëse nuk plotësohen kushtet!
Pas mbledhjes që Unioni i Transportit ka zhvilluar sot, administratorët e autobusëve këmbëngulin që të rimbursohen për të gjithë ata qytetarë që përfitojnë transport falas dhe për të gjitha vendet që do të rrinë bosh pasi sipas protokollit, lejohet qarkullimi vetëm me 70% të kapacitetit.
Ata kanë këmbëngulur gjithashtu edhe për heqjen e akcizës për naftën dhe për TVSH-në gjatë të gjithë vitit 2020:
“Nuk nisim punën pa u plotësuar 4 kërkesat tona. Kërkojmë heqjen e akcizës për naftën dhe të TVSH-së për 2020. 90 % e shoqatave që ne përfaqësojmë, nuk do të punojnë.
Protokolli i sigurisë i pazbatueshëm, duhet të ndryshojë.
Rimbursim për vendet që do jenë bosh për shkak të protokollit. Rimbursim në burim për ata që përfitojnë transportin falas”, kanë thënë administratorët e autobusëve.
Dy ditë më parë Ministria e Shëndetësisë dha “ok” për nisjen e punës bazuar në protokollin strikt të masave kundër koronavirusit.
Por, Unioni i Shoqatave të Transportit shprehet se nuk duhet që mbajnë ata përgjegjësi nëse pasagjerët nuk respektojnë rregullat.
Kujtojmë këtu se transporti ndërqytetas ka rinisur punën ditën e djeshme, me udhëtimet drejt Tiranës, por edhe drejt qyteteve të tjera.
