Teksa zgjedhjet e ardhshme lokale zhvillohen vitin që vjen, kreu i Partisë së Lirisë, Ilir Meta është gjendur përballë pyetjes nëse opozita do të dalë me kandidatë të përbashkët në listat e votimit.
Meta u tregua i qartë në përgjigjen e tij duke thënë se opozita duhet të dali në të gjithë Shqipërinë me kandidatë të përbashkët pasi sipas tij jemi në kushtet e një shteti mafioz. Gjithashtu Meta deklaroi se objektiv është fitorja e opozitës në zgjedhjet vendore.
“Për ne interesi kryesor është fitorja e opozitës në zgjedhjet vendore, rivendosja e demokracisë vendore që është zeruar nga Rilindja, 100% të pushteteve Rilindja, në katër vite u kthyen në një bunker të vërtetë në raport me qytetarët. Zero transparencë dhe vetëm pasoja. Shikoni pagat që janë për bashkinë. Për bashki kanë mbaruar mastera dhe kanë rrogat nga 200 e ca mije leke, se ata të ERE i kanë nga 4-5 milionë.
Se shtojnë vetëm vende pune për t’i mbajtur peng njerezit. I kanë kthyer bashkite në vende punësimi, por punësim për ti mbajtur njerëzit varur se ajo është lëmoshë jo pagë, kjo skemë është në gjithë Shqipërinë. Bilanc katastrofik. Ka shumë më tepër të punësuar në pushtetin vendor nga Rilindja sot se sa ka pasur në 400 e ca bashki dhe Komuna.
Se është vetëm psikologjia e klientelizimit dhe marrjes peng me rroga absurde për efekte elektorale. Sa i takon asaj me po, po, opozita duhet të dalë në gjithë Shqipërinë me kandidat të përbashkët. Kjo është më e mira për situatën se jemi në kushtet e një shteti mafioz opozita duhet të paraqitet sa më e bashkuar.
Në kushte të tjera sa më shumë kandidatë do ishte më mirë, por nuk jemi në kushte demokratike, jemi në kushte që opozitës as nuk i lejohet të vonohet, as të mos bashkohet as të mos koordinohet”, shhprehet kryetari i Partisë së Lirisë, Ilir Meta.
