Protesta e ‘7 Korrikut’ e organizuar nga kreu i Partisë Demokratike, Sali Berisha ngjalli pak “grimcë gallërimi” kundër qeverisë.
Ditën e sotme, Berisha është gjetur përballë pyetjes nëse do të ketë organizime të tjera protestash para vjeshtës. Kreu i Partisë Demokratike është shprehur se nuk i përjashton si mundësi por që tashmë kanë disa prioritete të tjera, siç është zgjerimi dhe puna në komunitet. Gjithashtu Berisha shtoi se tashmë qeveria duhet të përgatitet pasi e pret një skenar i ngjashëm me atë të Sri Lankës.
Sipas tij, e kanë në dorë qytetarët t’i japin përgjigjen e merituar qeverisë, me anë të rebelimit dhe pjesëmarrjes masive në protestat që do të zhvillohen.
Do ketë protesta të tjera? Apo do të pritet vjeshta?
Protestat nuk përjashtohen, por kemi punë për të bërë. Do zgjerohemi edhe më shumë. Do të punojmë me komunitetet. Një skenar si i Sri Lankës i pret. Është i njëjti mekanizëm i krijuar. Ish guvernatori i Bankës së Argjentinës paguhet 8 milionë në vit për shkrimet. A e çoi Veliaj në Sri Lanka, apo nga Sri Lanka e solli këtu kjo është për tu hetuar. A e morët vesh që shkoi zonja Hajdari për të dëshmuar dhe SPAK i tha “ik ik, largohu, mos na ngatërro me qeverinë”. Përgjigjen do ta japin qyetarët.
