Sizmologu Edmond Dushi ishte i ftuar këtë të premte në Euronews Albania, ku komentoi aktivitetin sizmik të ditëve të fundit në vend.
Dy ditë më parë, Tirana u trondit nga një tërmet
me magnitudë 4.4, ndërsa këtë të premte janë regjistruar edhe dy pasgoditje me intensitet më të ulët.
Sipas Qendrës Sizmologjike Evropiane Mesdhetare (EMSC), njëri prej tërmeteve pasues ka pasur magnitudë 4.1 të shkallës Rihter dhe epiqendra është lokalizuar në zonën e Fushë-Krujës.
Dushi tha se duke pasur parasysh historikun e tërmeteve pritet që pas tërmetit kryesor të ketë edhe goditje të tjera 18-20 ditë më pas.
“Ne kemi statistika gjithë përfshirëse në të gjithë territorin. Të gjitha seritë tërmetore që ndodhin në zonat perëndimore të vendit zgjasin më shumë se tërmetet në zonën qendrore. Kjo është tregues që do të kemi një zgjatje në vazhdim të kësaj serie tërmetesh. Pa përhapur panik, bazuar mbi të dhënat që ne kemi aktualisht, nëse bëjmë llogaritjet mund të llogarisim diku te 18-20 ditë nga tërmeti kryesor i datës 24”, tha sizmiologu.
