Kandidati i Partisë Demokratike për Lezhën, Mark Marku ka deklaruar se PD mund të mos i njohë zgjedhjet, por kjo nuk do të thotë se nuk do të hyjnë në Parlament. Në emisionin “Opinion”, Marku tha se mosnjohja e zgjedhjeve dhe mosfutja në parlament nuk përjashtojnë njëra-tjetrët.
“Nuk përjashtojnë njëra- tjetrën. Ky proces nuk mund të njihet, do të thotë që demokracia nuk funksionon.Unë nuk e di si do merret vendimi, mund të hysh dhe në Parlament….”, tha Marku.
I pyetur nëse janë vjedhur zgjedhjet Marku u shpreh” vetëm të jem nga Tajvani, do them jo. Po sërish ai tha se do të shkojë në parlament për të bërë luftën për të mbrojtur votën. Sipas tij, zgjedhjet nuk duhet të njihen, por me sa duket ende nuk ka një vendim zyrtar për këtë çështje.
Do bëj luftën. Unë nuk e di çfarë vendimi do merret. Lufta bëhet në disa forma, në parlament, në institucionet ndërkombëtare, në gjykata, në prokurori. Do të jetë luftë totale për të mbrojtur votën. Nuk do të thotë të mos shkosh në parlament. Nuk e di nëse do shkohet, por ky parlament nuk meriton të njihet, në gjykimin tim.
Po të jetë për mua, as qeveria, as parlamenti, asnjë institucion përfshirë dhe pushtetin lokal nuk është legjitim, dhe gjëja më normale është luftë totale për mbrojtjen e demokracisë.
