Shefja e infektimit dhe kandidatja për deputete në listat e PS, Najada Çomo, ka folur për rënien e shifrave të infektimeve në vend.
Në një intervistë për emisionin “Frontline” në News24, Çomo paralajmëroi se në ditët në vijim nuk do të vazhdohet me të njëjtin trend, duke nënkuptuar rritje të rasteve.
Sipas saj, rastet e reja janë të ulta, por shtrimet në spitale po rriten.
Reagimi:
”Shifra është reale e personave të testuar, dhe atyre pozitiv. Në spitale numri vijon të jetë i shtuar, me pacientë të rënduar. Spitali nuk e ndjen ende numrin më të pakët.
Në bindjen time, nuk besoj që kjo do të jetë një gjë reale që do vijojë kështu. Jo se nuk ështe reale, por realiteti i personave të shtruar në spitale, me ato shifrat mbi 1 mijë që kemi dëgjuar, ata njerëz të infektuar, por një pjesë janë kontigjen për t’u shtruar në spitale.
Gjithmonë duhet thënë që në spitale vijnë personat që janë më rëndë. Humbja e jetës ndodh në kushte spitalore, ku vjen pacienti që është më rëndë.
S’ka lidhje me zgjedhjen. Gjithë bota vijon të ketë trendë të rritura, apo numrin e personave. Nuk mund të themi që është, kjo është gjë reale, e prekshme në gjithë Shqipërinë. Por mbyllja e orës, vendosja e maskës. Gjithë mbyllja e pjesshëm kanë reflektuar në uljen e infektimeve.
E vërteta është gjë kemi një numër disi më të ulët.”- tha Çomo.
