Kreu i Grupit parlamentar të PS, Taulant Balla ka reaguar ashpër kundër kryedemokratit Lulzim Basha. Balla akuzoi sot Bashën se ai ka lidhje të drejtëpërdrejta me krimin.
Me anë të një video numri 2 i PS, tha se lideri demokrat shihet nën shoqërinë e Altin Dalipit, një person i dënuar për trafik droge në Belgjikë, i cili është njëkohësisht vëllai i kandidates së PD në Elbasan, Lumturie Hasa.
Krahas videos Balla përmend edhe emra të tjerë me precedentë penalë që janë në vendosur në listat e PD për zgjedhjet e 25 Prillit, të cilëve ligji u ndalon përfshirjen në fushatë.
“Në Durrës ke një të dënuar për trafik droge në Zvicër, duhet ta tërheqësh se siç kërkon Ligji nuk mund të kandidojë. Kandidatin serial, subjekt të SPAKUT në Shkodër “Hile” Zefin, lërja Drejtësisë”, shkruan Balla
Kujtojmë se kjo akuzë e fort e Ballës vjen si kundërpërgjigje ndaj Bashës i cili vazhdimisht e ka akuzuar kyreministrin |Edi Rama për lidhje me persona të përfshirë në krime dhe trafik droge.
Postimi i plotë:
Lulezim! Ku je Lulezim?! Në Durrës ke një të dënuar për trafik droge në Zvicër, duhet ta tërheqësh se siç kërkon Ligji nuk mund të kandidojë. Kandidatin serial, subjekt të SPAKUT në Shkodër “Hile” Zefin, lërja Drejtësisë. Në Elbasan mos e ndrysho listën aman, por mos e fyej Elbasanin. Mjaft u more me gaztorët e tu dhe manipuluesin e kamerave të Kryeministrisë kur Saliu dhe ti qëllonit mbi popullin opozitar. Por në ditët në vijim… Sa për matematikën e numrave kuptohet qartë që ti i je rikthyer planit të çadrës për pengimin e zgjedhjeve. Zgjedhjet do të zhvillohen më 25 Prill.
https://www.facebook.com/watch/?v=867394650770567
