Kreu demokrat, Lulzim Basha ndodhet në Shkodër ku qytetarë të shumtë e kanë pritur me thirrje e flamuj të PD. Ai i ka kërkuar qytetarëve që të ruajnë distancën e të vendosin masakt për shkak të kushteve të pandemisë.
“Ju lus, ju lus, merrni masat e distancës dhe maskat për pandeminë”, ka thënë Basha.
Ndërkohë një student e Universiteteit të Arteve i ka shprehur Bashës problemin e tarifave të larta, ndërsa kreu i PD ka thënë se i bëhej qejfi që po fliste me të.
Pjesë nga biseda:
“Unë jam Elizabeta, unë jam studente në universitetin e Arteve, studioj për pedagogji dhe kam një problematikë. Janë tarifat shumë të larta”, ka thënë studentja.
Lulzim Basha: E para e punës, më bëhet qejfi që bisedën e parë që po e zhvilloj në Shkodër e bëj me një student të arteve
Studentja: Falimners
Ndërkohë Basha e ka falenderuar në dialekt duke thënë se PD do i heq tarifat për familjet me të ardhura nën 64 mijë lekë.
“Falimners ty. Tarifën ne do ta heqim. Ne kemi thënë se të gjithë ata fëmijë që vijnë nga familje me të ardhura poshtë 64 mijë lekëve, do ta heqim tarifën. Është fare e thjeshtë. Nuk do të ketë bir shkodrani që do të mbesë pa shkollë nga pamundësia ekonomike”, ka thënë Basha.
