Një prej fakulteteve që ka pasur më shumë ndikimin në bojkotin e studentëve ka qenë ai i Drejtësisë, mirëpo mesa duket sot i është dhënë fund edhe kësaj etape.
Pas gjithë përpjekjeve dhe sakrificave të bëra, studentët e ngujuar brenda këtij fakulteti kanë vendosur që t’i rikthehen mësimit dhe këtë e vërtetojnë edhe fotot e mëposhtme, ku një grup studentësh janë duke sistemuar bankat në vendet e tyre. Këto banka kanë shërbyer për shumë kohë si barrierë mbrojtëse për mos të lejuar futjen brenda ambienteve të asnjë prej personave që ishin kundër bojkotit.
Kujtojmë që vendimi për t’u rikthyer në mësim, erdhi menjëherë pas letrës me 6 kërkesa drejtuar dekanit të fakultetit. Ndërkohë sot Fakulteti i Historisë dhe Filologjisë bëri publike vendimet për mënyrën sesi do procedohet gjatë vitit akademik 2018-2019.
