Gjykata Kushtetuese rrëzoi ditën e djeshme kërkesën e KLSH lidhur me ligjin për financat e qeverisjes vendore. Në një njoftim shumë të shkurtër, GJK bëri me dije se vendimi i arsyetuar do të shpallej Brenda afateve ligjore. Kujtojmë që ligji i sipërpërmendur i jepte të drejtën për auditim në financat e 61 bashkive në vend, KLSH-së dhe Ministrisë së Financave, por në një pjesë të bashkive do merreshin edhe auditees privatë. KLSHA e ankimoi lifjin në Gjykatën Kushtetuese me argumentin se Ministria e Financave nuk mund të bëj auditime, pas vetë është një subjekt auditimi dhe argumenti tjetër ishte se do të merreshin para nga buxheti i shtetit për të kontrolluar financat e qeverisjes vendore nga kompani private.
Edhe pse vendimi i Gjykatës Kushtetuese ishte i paprecedentë, Kontorlli i Lartë i Shtetit ka nisur një tjetër auditim në Ministrinë e Brendshme pas skandalit 10.8 milionë Euro vjedhje në tenderin për uniformat e policisë dhe pas tenderëve ushqimorë e makinave me qira për policinë. Për këtë tender kishte indicie për mashtrim shkresor e korrupsion.
Kreu i KLSH, Arben Shehu, ka nxjerrë vendim për të kryer një tjetër kontroll ekonomiko-financiar, lidhur me tenderët në Ministrinë e Brendshme dhe Agjencinë e Blerjeve të Përqendruara brenda saj. Ky reagim i KLSH vjen pas denoncimeve të shumta në media për aferat korruptive me tenderat në ministry dhe Policinë e Shtetit. Kontrolli do të fillojë nga tenderat dhe administrimi i fondeve e të ardhurave, që ka ministria e Brendshme prej datës 1 janar 2018 e deri sot, duke përfshirë dhe periudhën deri më 30 mars 2021, për tenderët apo shpenzimet në planifikim e proces.
Si indicie për kontrollin është bërë skandali me vjedhje 10.8 milionë Euro, në tenderin për uniformat e policisë, për 134 tenderët ushqimorë dhe 5 tenderët për makina me qira, me fond limit e kontrata 2-2.5 milionë Euro për 2-3 vite.
Kujtojmë që KLSH ka bërë edhe më parë i tjetër kontroll po me këtë object për periudhën 1 janar 2016-31 dhjetor 2017, kohë kur Ministria e Brendshme drejtohej nga Fatmir Xhafaj dhe tashmë në krye të Policisë së Shtetit ishte Ardi Veliu. Një tjetër kontroll u përfundua në qershor të vitit 2019 dhe dosaj është çuar për hetim në prokurori, ndërsa aferat e muajve të fundit janë bërë shtysë për një kontroll të detajuar të tenderave të dhëna në 3 vitet e fundit.
Gjithashtu KLSH do të nisë hetimet dhe për 3 rrugët e shembura të “Salillarit” në Borsh, Orikum e Skrapar. Raporti i KLSH për tre rrugët në akset Borsh-Sarandë; Vlorë-Orikum e Skrapar-Përmet është thujse gati. Ato u ndërtuan pas marrjes së tenderit pa garë nga firma “Salillari”, dhënë nga drejtorët Ergys Verdho i ARRSH dhe Dritan Agolli i FSHZH. Rrugët u lanë për 2 muaj pa mirëmbajtje edhe pse kishin një vlerë në kontratë prej 37.8 milionë Euro, vetëm 1 vit pas dorëzimit me garanci për 10 vite e mirëmbajtje për 5 vite, po nga firma “Salillari”, ato u lanë në kushte të mjerueshme.
