Janë zbardhur detaje të reja nga atentati i 66 vjeçarit Behar Sofia në afërsi të Piramidës në kryeqytet.
Policia ka marrë në pyetje familjarët të cilët kanë mohuar që të kenë pasur konflikte apo kërcënime kohët e fundit.
“Nuk kemi patur kërcënime dhe konflikte kohët e fundit. Behari doli të pinte kafe, më pas do të blinte diçka dhe do të kthehej në banesë. Behari, kur doli, nuk na tha se do të takonte njeri”, kanë thënë familjarët e Sofisë.
Mësohet se janë seksuestruar dhe pamjet e kamerave të sigyrisë nga ngjarja e djeshme. Në këto pamje rezulton se autori është mëso burrë i veshur me kostum sportiv të errët dhe fytyrën e ka pasur të mbuluar, ndërkohë që ka dyshime se bëhet fjalë për një vrasës me pagesë.
Policia e kryeqytetit ka shoqëruar disa persona pas atentatit mafioz, të cilët janë familjarë dhe të afërm të viktimës. Autorët dyshohet se e kanë ndjekur Behar Sofinë dhe i dinin lëvizjet e tij. Gjithashtu, nga grupi i hetimit është bërë dhe kqyrja e celularit të viktimës, por nuk kanë gjetur asnjë element të dyshimtë. Deri tani janë të shoqëruar të paktën 10 persona, të gjithë familjarë dhe të afërm të viktimës dhe asnjë person i dyshuar.
Behar Sofia nuk është një emër i panjohur për Policinë pasi është përfshirë në disa ngjarje kriminale. 66 vjeçari nga Berati njihej me nofkën “Padrino i drogës”.
