Pas firmosjes së protokollit të pranimit të Maqedonisë në NATO edhe Greqia duket se është në rrugën e drejtë për t’i dhënë mundësinë e anëtarësimit.
Ditën e sotme edhe Parlamenti grek e ka pranuar këtë fakt duke e votuar me plotë 153 vota. Pra pas 20-viteve konflikt, Greqia i ka dhënë dritën jeshile për t’u bërë pjesë e strukturave euroatlantike.
Ky votim u shoqërua me debate në Parlament, ndërsa 140 deputetë votuan kundër këtij procesi.
Arritja e Marrëveshjes së Prespës mes dy kryeministrave ka bërë jehonë në vendet respektive, e cila i dha fund përpjekjeve të Greqisë për të frenuar Maqedoninë e Veriut për t’u anëtarësuar në organizata integruese.
Ky proces tashmë duhet të ratifikohet edhe nga vendet e tjera anëtare të Organizatës së Atlantikut të Veriut dhe më pas Maqedonia e Veriut do t’i shtohet zyrtarisht kësaj aleance.
