Një aksident ka ndodhur pak më parë në Kamëz, në zonën e “Bulevardit Blu”, ku është përplasur nga një makinë një i mitur 17-vjeçar. Mësohet se ngjarja ka ndodhur gjatë mesditës së sotme, rreth orës 12:15, ku drejtuesi me iniciale A.H. ka aksidentuar këmbësorin, shtetasin e mitur me iniciale E.B. Ende nuk ka një informacion për gjendjen e të riut, por bëhet me dije se ai është dërguar me urgjencë në spital dhe tashmë është nën kujdesin intensiv të mjekëve. Policia ka njoftuar se grupi hetimor për momentin është në vendin e ngjarjes dhe është duke punuar për të zbardhur rrethanat dhe shkaqet e aksidentit. Ndërkohë, në njoftim nuk thueht nëse është shoqëruar në komisariat drejtuesi i mjetit dhe nuk është bërë publike targa e makinës.
Njoftimi i plotë i Policisë së Shtetit:
Një aksident ka ndodhur mesditën e sotme në Kamëz. Sipas informacioneve zyrtare, ngjarja ndodhur rreth orës 12:15, në “Bulevardin Blu” në Kamzë, ku mjeti me drejtues shtetasin A. H., ka aksidentuar këmbësorin shtetasin e mitur me iniciale E. B., rreth 17 vjeç. I plagosur është dërguar me urgjencë në spital, dhe ndodhet nën kujdesin e mjekëve. Grupi hetimor dhe sherbimet e Policisë ndodhen në vendngjarje po punojnë për sqarimin e rrethanave të ngjarjes.
