Edhe pse bëhen thuajse dy vite nga tërmeti i 26 nëntorit, shumë banorë janë ende në mëshirë të fatit pasi shtëpitë iu shkatërruan. Qeveria kujtohet vetëm për fushatë që të dorëzojë çelësa shtëpishë, dhe këto bëhen vetëm për efekt propagande. Edhe në Bulqizë, tërmeti shkaktoi dëme të mëdha, teksa ende banorët janë në qiell të hapur dhe askush nuk është kujtuar për ta. Nata e së hënës ka shënuar temperatura ekstreme deri në -20 gradë celcius.
Një pjesë e banorëve kanë qendruar në banesat e tyre të dëmtuara, ndërsa të tjerë që prej vitit 2019 janë nëpër çadra. Familja Basin në fshatin Plan i Bardhë në Bashkinë e Klosit është një prej tyre.
Zonja e shtëpisë (tashmë e mbetur vetëm një çadër) thotë se këto ditë të ftohta kanë qenë një tmerr për familjen e saj. Dile Basi ka treguar se frynë një erë e fortë dhe mbrëmja e djeshme ka qenë ekstremisht e acartë sa e kanë mbajtur sobën ndezur gjithë natën, por sërish nuk ka ngrohur si duhet.
Familja Basin ë Bulqizë nuk është e vetmja që jeton në kushte kaq të vështira. Edhe në Kurbin e Durrës ka ende familje që jetojnë nëpër çadra dhe kanë mbetur pas shtëpi. Me sa duket kjo do të vazhdojë deri sa dikush të harrojë fushatën e të kujtohet për qytetarët.
